Compu MO

النهاردة مقالة مختلفة من كمبيو مو Compu MO  

قبل اي حاجة كنت بعمل الكلام ده في فيديو بس للاسف الفيديو حصلت فيه مشكلة ف المونتاج ومكنتش عامله Backup  

الحمد لله 

المهم

انت كمدرس تعمل ايه علشان تقدر تواكب الموجه الالكترونية اللي فرضتها علينا وزارة التربية و التعليم 

لازم تبقى عارف بعض الادوات المهمة : 

أولا : 

تخزين شغلك على سحابة " ايوة و الله " 

العالم كله دلوقت شغال بالسحابة او Cloud  لتخزين كل البيانات المهمة طب ايه اقوى موفرين للخدمات دي :

1 - Google Drive  : تقدر تخزن عليه اي ملفات لحد 15 جيجا بايت وطبعا كلنا عارفين ان الملازم و الكتب الالكترونية حجمها صغير جدا فتلاقي مساحتها مناسبة جدا 

2 - One Drive  : الخدمة دي تبع الوحش ( Microsoft ) ما أكيد مش هتقعد تتفرج على جوجل و توفرلك تقريبا نفس المساحة بتاعت جوجل درايف ولو عايز اكتر ادفع ( عادي جدا )


وفي غيرها كتيييير جدا زي : Dropbox  ...... انت ركز على اي خدمة من دول و ادخل هتلاقي التعامل معاها سهل جدا و بسيط بس عايز تركيز في الاول ، و الدخول على الخدمة دي بـ E-Mail  و Password .

ثانيا : 

لو انت استخدمت Google Drive  يبقى خش على google docs ودي خدمة الاوفيس بس التابعة لجوجل يعني لو عايز تكتب اي حاجة Google Docs  اوفيس اونلاين بتشتغل عليه و تقدر تفتح ملفاتك من اي جهاز الكتروني في العالم مش ف مصر بس طالما انت عارف الـ  E-Mail  و Password  . 

ولو انت استخدمت One Drive  يبقى خش على Office 365  الاوفيس العادي اللي انت بتنزله على Computer او Laptop بس اونلاين برضه نفس كل الواجهات و طريقة التعامل بس حفظ اول بأول .

سامعك ياللي بتقول ايه الفرق ؟؟؟؟

هاقولك ببساطة موفرين الخدمة مش اكتر في ناس بترتاح لخدمات جوجل و في ناس تانية بترتاح لخدمات مايكروسوفت 
بس في فرق كبير في حاجة مهمة :

( Google Docs ) في نظام انك تعمل اختبار الكتروني و يتصحح و ببلاش .

( Office 365 ) في نظام انك تعمل اختبار الكتروني و يتصحح بس بفلوس .


طب بس كده لا في كمان نصائح عامة زي : 

1 - اشتغل بـ E-Mail  تاني بلاش الخاص بك ( علشان الحماية )

2 - بنك المعرفة مش كل حاجة .  

3 - متنزلش حاجة تبقى سهل التعديل عليها " يعني بلاش ملفات Word  " نزل الملفات PDF علشان شغلك ميتسرقش . 

4 - ياسلام لو تعمل شوية Presentations  تعليمية متنوعة باستخدام برنامج PowerPoint  . 

5 -  بنك المعرفة مش كل حاجة .  😔😔

6 - بلاش .. بلاش .. بلاش الشغل الجاهز او الفيديوهات الجاهزة .

7 - نوع في استخدامك للأدوات دي بلاش الفكرة الواحدة .

8 -  بنك المعرفة مش كل حاجة .  😤😤😤😤

9 - انت هتوجه الطلاب مش لازم تكون Online  24 ساعة بس ممكن تتفق مع طلابك على وقت تواجدك .

10 -  بنك المعرفة مش كل حاجة .  😜😜😜😜


و في الاخر لازم تعمل حاجة مهمة جدا و هي الاهم من كل النصائح اللي فاتت تشترك في قناتي على YouTube دوس  متخافش 

هتستفاد و Share  لاصحابك مش شرط المدرسين و مش شرط طلبة 

و دوس like  و comment  في تحفيز ليا ( بتعب اوي و الله ) 

و استنوني اللي جاي دائما اقوى مع كمبيو مو Compu MO 💪💪💪